尋日男友J俾左一個好大既驚喜我，真係好開心好感動，並不是因為份禮物貴重，而係個份心意個份心思，講真識左佢咁耐，佢俾我既驚喜真係一隻手都數得曬，雖然一早知佢唔係一個浪漫既人，但大部份女人都希望另一半能夠成日俾驚喜自己，女人可能都比較自私，明明自己都好少俾驚喜佢，但又希望另一半咁做，大部份女人係自己喜歡既人面前都比較任性，希望你能原諒我這個既自私又任性既女朋友....

竟然懂得叫我同事駛開我，然後靜悄悄放係我枱面的禮物!

 

究竟點解明明爭取緊一d應得既嘢，但攪到好似做賊咁呢? 點解明明自己無做错，但終日要提心跳膽呢? 是否我太耐弱? 或是我太無用呢? 點解要害怕呢? 點解唔懂得反抗? 難道打後還是要這樣過?

今日有間幼稚園嚟借書，平時佢寫左個名之後我會係counter張嘢度揾個card no.，點知唔記得左佢唔係嚟開既熟客，個list緊係無啦! 諗住check機，點住只係揾到間類似既，打俾間學校，佢十問九唔知，話有關同事唔係度，諗住打去ntk問(因同事話佢去開ntk借書)，點知ntk話借開個間就係我話類似個間，最後諗住明天先打去學校問，點知ntk個同事好好，打嚟話幫我係電腦度check倒，原來係有不過係前一板，收線後我好唔開心，其實係我一開始只係打左間學校頭幾個字去揾，所以我迷揾唔倒囉! 我都唔明點解我成日做人到係咁，成鬼日都好心急，又大意，人哋寫左個全名俾我，但我無打曬，仲要攪到又打去學校又打去ntk煩人哋，我呢種性格害左自己好多次，點解仲係改唔倒，好討厭自己!!!!!